北海道富良野產蜜瓜蛋糕
聖安娜餅屋新推出！

有睇過近期Do姐再shopping嘅都知北海道富良野嘅哈蜜瓜係非常之出名同好食！而最近聖安娜餅屋就推出咗兩款蛋糕係用北海道富良野哈蜜瓜來整！除咗外貌吸引之外，可以見到佢真係一塊塊哈蜜瓜果肉鋪起面，真係真材實料！

 
呢款蛋糕叫做北海道蜜瓜芭菲，你睇到佢個蛋糕底係模仿真嘅哈蜜瓜外型整出來，都幾迫真！
 

呢款蛋糕就有四種唔同嘅層次組成，第一種就係綠色嘅外層，係用朱古力脆皮做出來，然後就係橙色嘅哈蜜瓜味海棉蛋糕，上層啡色嘅係朱古力薄脆，下層就用哈密瓜慕絲包住一啲哈蜜瓜寒天。一個蛋糕有咁多種口感你都咪話唔複雜！
 

而呢款就叫做北海道哈蜜瓜王者，外型同普通蛋糕無咩分別，但係成個蛋糕主要就用哈蜜瓜海棉蛋糕組成，鍾意簡簡單單嘅朋友一定會成個食哂！
 

 
雖然呢個蛋糕包含嘅完素就無上面個個咁多，但都有幾款唔同嘅材料起蛋糕嘅裡面，都唔係少野架！
 
訂購網址: https://www.sthonore.com/product/2/10905