食得健康食得有機食在UG Elements：
有機食材可健腦，無機食材會損腦

究竟食啲乜可以維持敏銳嘅思考能力？根據荷蘭一項研究發現，多啲攝取含有β胡蘿蔔素嘅食物，即係例如有機紅蘿蔔、番薯、甜椒、芒果、木瓜同其他有機深綠色嘅蔬菜等等，都可以有助健腦，當中排第一健腦首選就係南瓜同埋南瓜籽！
諗唔到可以點整呢啲有食材，可以試下將呢兩種蔬菜搾汁：「紅蘿蔔、甜椒、西蘭花加一塊薑」或者 「木瓜加芒果，加一塊薑」。然後南瓜子平時可以當零食咁食。仲有蒸南瓜同番薯都可以每日當早餐咁食。不過有樣野要注意，因為芒果性質比較濕熱，香港本身天氣已經夠哂濕熱，雖然芒果係好食，但記得食適量唔好食咁多。
另外有好多人都忽視咗礦物質「鋅」對於腦健康部嘅重要。其實鋅可幫助腦部發育，有助腦部嘅靈活運作，如果平時鋅攝取量唔夠，就會好容易導致記憶力衰退、注意力唔集中。德州大學預防醫學與社區健康學系Dr. Harold H. Sandstead，曾經針對女性對像做咗個測試，佢透過呢個測試指出，只要補充足夠嘅鋅，女性對於嘅文字記憶就會提升12％。
好多人可能以為鋅只會存在起一啲蜆殼類海產例如蠔，其實南瓜籽、葵花籽同糙米呢啲都係含有豐富鋅嘅食物，南瓜籽再次因為鋅而被稱為醒腦食物啦！
既然有健腦食物，當然亦都有損腦食物。排第一位嘅就係汽水同埋甜品呢啲加工野！所謂嘅精煉糖，亦即係白糖，係一種經過極度加工嘅食物，一啲都唔有機。佢可以好快就被身體分解，容易引起血糖劇烈嘅起伏，亦都會令到腦部運作非常遲鈍。所以，所有用白糖做嘅食物都盡量唔好食咁多。
代糖聽落好健康，其實都唔係咩好野來。呢種人工化學食物會影響神經系統，也影響神經傳遞素嘅正常反應，有好多研究報告已經證實對腦部毫無益處，尤其係對已經有糖尿病同腦退化症而血腦屏障已受損嘅病人。小朋友如果成日食，有機會影響學習能力，甚至出現過度活躍、注意力唔集中嘅情形。