今日開車送阿女去玩,佢突然同我分享佢係學校嘅點滴,而講到佢大個希望做老師,可以幫助到小朋友去發展自己,開拓佢地多方面的能力,對於一個十三歲嘅學生,有咁好嘅抱負真係十分安慰!
之後佢同我講,話佢希望將來佢嘅兒女可以係外國接受教育同生活,最好住在半郊區,有好的社區醫療便可以! 我心一突,諗點解阿女會咁快有咁嘅諗法?我十三歲時,最多都係諗點可以發達唔駛做,但係主要都是在香港!
阿女同我講,香港生活壓力好似好大,嗰個都好似好唔開心,教育制度又有太多選擇,都唔知點跟! 周邊又少公園,外國生活好似輕鬆啲。啲人好似冇咁多爭執!
呢啲情況雖然都幾明顯,香港吸引力明顯下降但係真係嚴重到連一個讀國際學校嘅十三歲人仔都感覺到?
呢個真係值得注意了。