大家應該對「樓上」燕窩呢個名一啲都唔會陌生,就算未去過佢地到買野,都一定聽過佢地個名啦,但係大家咪以為「樓上」賣燕窩海味先至叻,今期佢地唔知咩事,而家連雪條都賣埋,仲要唔係普通嘅雪條!
係原隻芒果嘅雪條!
根據佢地嘅網站顯示,其實隻芒果原產地係泰國,但都只係賣12蚊一條,對於面對炎炎夏日嘅香港市民呢個價錢一啲都唔貴啦!
最有趣嘅係,「樓上」仲玩浮動價格優惠,如果攝氏33度就半價,34度就半價再半價,35度以上就差唔多請埋你食,係一蚊一條原隻泰國芒果雪條!「樓上」咁佛心,我上去買雪條順便買幾包海參支持下你都唔過份啦!