in

獅子會推出兒童新冠染疫復康指南!由臨床心理學家參與編製!讓兒童與家長安心渡過疫境!

獅子會推出兒童新冠染疫復康指南!由臨床心理學家參與編製!讓兒童與家長安心渡過疫境!

近日本地疫情告急,Omicron 喺社區迅速傳播,確診數字持續上升,家長同小朋友面對病毒同憂慮,加上出現症狀或確診後會被迫居家隔離或入院接受治療,恐懼同無助嘅感覺,極需要適切嘅心理支援幫助。有見及此,國際獅子總會中國港澳 303區宣佈推出由臨床心理學家參與編製的兒童新冠染疫復康指南,涵蓋繪本小冊子、電子書同短片,加上家長指南及實用資料,以輕鬆方式說明兒童與家長面對受感染或懷疑感染時需要嘅心理準備,讓家庭成員安心在家或醫院康復,以及作為家長照顧兒童嘅指南!

Omicron 令市民措手不及,加強防疫措施、接種疫苗、接受檢測嘅需要突然排山倒海,家長忙於兼顧自己同子女嘅健康已經應接不暇,兒童又較易感染病毒、病情較嚴重嘅趨勢令家長憂心,兒童留院接受治療時難免感到被孤立同恐慌,戰勝病毒後都有可能留下心理陰影。呢啲嘅一切啟發獅子會製作兒童新冠染疫復康指南,緩解家長同兒童心理壓力,讓市民安心渡過疫境。

獅子會兒童新冠染疫復康指南內容分為三部分,第一部份係兒童繪本,講述兩位確診兒童分別在家同喺醫院隔離嘅情況;第二部份係家長指南,由臨床心理學家編寫,指導家長如何應對確診兒童嘅心理影響;第三部份係實用資料,方便確診患者、康復者以及家人查閱唔同政府部門嘅資訊網址同熱線號碼。復康指南中英文版小冊子將於3月初分發至全港 43 間公立醫院及 3,700 間私家診所,免費派發俾懷疑個案同確診兒童嘅家長;電子書版本將上載至獅子會官方網站供市民免載下載。同時,獅子會特別製作復康指南繪本短片,請來「Ben Sir」歐陽偉豪博士為兒童繪本內容配音,令小朋友能從輕鬆短片中了解隔離情況,做好心理準備,減輕自己焦慮不安的情緒。

歡迎大家下載電子書及欣賞故事短片
COVID-19 兒童心理指南 (電子版)
https://www.lionsclubs.org.hk/Covid_Child_PsychologicalGuide/COVID19_eBook.pdf

短片故事一:我在家中隔離後康復了! (粵語版 / 中英字幕)
https://www.youtube.com/watch?v=bvv6K628ElA

短片故事二:如果我需要在醫院隔離,我該怎麼辦? (粵語版 / 中英字幕)
https://www.youtube.com/watch?v=0-xFolE-iSE&list=TLPQMjMwMjIwMjLaLeqVZEUWrQ&index=2

www.lionsclubs.org.hk

【邱健醫生話你知】女神不老花 白內障散光老花1take搞掂

人生最不值得做的30件事